Necesidade de estar na rede

Ola compañeir@s !

Gustaríame falar dun tema que ten que ver coa nosa universidade. Fai apenas unha semana, a USC firmou un convenio con Google Books, para que uns 700 libros e unhas 246 tesis doctorales da Universidade estean dispoñibles vía Internet.

E este non é un feito aillado, a través de google books, xa se podía acceder dende hai tempo á biblioteca da Universidade Complutense. Este paso á dixitalización penso que ten un sentido dobremente positivo, por unha banda evítase o deterioro das obras máis antigas, e por outro favorécese o acceso e a democratización a estes contidos que doutro xeito só estarían dispoñibles de xeito presencial.

Cada vez máis as institucións xa non só universitarias, senón mesmo os editores de libros, dánse de conta de que o futuro está na rede. Fai uns anos falar de e-books ( como libros concebidos en formato dixital, non libros tradicionais dixitalizados ou escaneados) e, era como falar de que "vén o lobo", para os editores. Agora coido que cada vez máis ven este fenómeno, como algo positivo -sempre que se respecten os dereitos de autor e copyright-, favorece que a xente coñeza as obras en todo o mundo, e contribúe a facer publicidade das mesmas.

Tense falado deste tema abondo aquí no blog, estes días. Penso que os libros nunca chegarán a extinguirse, posto que o formato tradicional en papel, é algo insubstituíble. xa non só polo soporte en si, senón pola satisfacción que reporta ler un libro tirado no parque sen necesidade de conexión á rede. Agora ben, esta claro, que os ebooks, son un complemento fundamental para os libros tradicionais, e coido que nun futuro complementaranse mutuamente tendo a mesma importacia posiblemente.

Creo que é un argumento un tanto esaxerado dicir que as bibliotecas, se extinguirán coa chegada dos e-books, pero está claro que a dixitalización, e a posta destes libros a través de internet é unha realidade cada vez maior, dacordo cos tempos que corren.


Saúdos compañeir@s!!!