traballo Teórico

1. Faltan as correccións desta semana. Se recoñecen as dificultades da tamaña ponte, pero, por favor, o comité de redacción que faga un esforciño que aplaudiremos.
2. Lembrade que ademais da ficción tendes que acompañar a imaxinación e creación cun apartado teórico sobre a narración hipertextual, hipermedia e interactiva. Algunhas persoas xa foron aportando enderezos e os oportunos comentarios sobre as propostas, pero non recibiron respostas. Este apartado tendes que cubrilo e debatir as propostas teóricas. Tendes que revisar, ademais, o material que entreguei ao comezo das clases e comentalo. Forma parte do traballo. A bitácora non pode ser só un espazo onde falar do argumento e da creación de personaxes. É un espazo de discusión sobre a viabilidade e o interés do hipertexto como un elemento axeitado para contar, narrar, relatar, asociar, conectar, comunicar, etc.
3. Estades facendo un traballo de creatividade moi, moi interesante, por iso é importante que releades o que escribides para evitar erros tontos, repeticións innecesarias, uso de pronomes mal colocados ou a súa inclusión cando non son imprescindibles para o relato. Pensade que non imos ler tal como aparecen os enlaces, así que nas entradas hai que incorporar seguramente o nome da personaxe ou algunha referencia que permita comprender cada unha na súa individualidade. Cando dividimos unha entrada longa, hai que releer se se entenden por sí mesma, sen pensar que se vai ler a anterior ou posterior de xeito secuencial. Evitade, tamén, cursilerías, non aportan nada e son influencias moitas veces das películas noñas de sesión de tarde ou dese cinema familiar tan característico del hollywood, agás que utilicedes cun tratamento irónico ou burlesco.
4. É necesario que teñades unha visión xeral do que ides escribindo todos. Daí a relevancia de que enlacedes cada entrada tres, catro ou cinco veces con outras partes do relato. Hai entradas que só teñen un ou dous enlaces. Non sirven. Hai que buscar máis asociacion e conexión con outras entradas. Non se trata de relatos individuais. É un traballo colectivo no que todos e todas tendes as mesmas responsabilidades: crear en conxunto, debatir en conxunto, aportar ideas sobre narrativa hipertextual en conxunto.
Deixo os seguintes enderezos. Son de alumnos de doutoramento.
http://hypertaste.blogspot.com/
http://caixadepapeles.blogspot.com/
http://javier-ramos.blogspot.com/
http://oscarhipertext.blogspot.com/
http://peregrinoroberta.blogspot.com/
grazas. mol

Páxinas orfas

Hai numerosas páxinas que non teñen enlaces, que non levan a ningún outro sitio, que son calexóns sen saída. As persoas responsables desas páxinas teñen que rectificalas inmediatamente e establecer vínculos que vaian a outras partes da narración. Non pode quedar ningunha páxina orfa.

Páxinas orfas

Hai páxinas ou fragmentos da narración que son orfas. que non teñen enlaces a ningunha outra parte da historia. Hai que eliminar estas páxinas orfas incluindo enlaces que nos leven a partes da narración pertinentes. Os comités de redacción que revisen e resolvan estas situacións. Grazas.
- O xoves da semana próxima teremos unha clase presencial na aula AI6/AI7 para tomar as últimas decisións e revisar o traballo.

convocatoria de reunión

O luns, día 14, na hora de clase, vémonos todos e todas para examinar como marcha o relato, fixar obxectivos (ou non), delimitar tareas e ir pechando aspectos nos que tendes que aportar tamén ideas: A navegación polo relato, as rutas personalizadas, a revisión da documentación sobre o discurso/relato/novela hipertextual, ademais do material que vos entreguei eu, e tamén é necesaria a vosa aportación crítica ao traballo, ao seu desenvolvemento, á experiencia. Valorar os aspectos positivos e negativos. Facer unha revisión crítica.
mar-i-ta

Comités de redacción

-- Entre o 30 de abril e o 6 de maio tócalle o turno de revisión ao grupo formado por Ana Piñeiro, Eva Vázquez, Angela Castro e Alba Porral. Hoxe xoves tiñan que estar xa na bitácora as correccións correspondientes. Xoves e venres as persoas aludidas polas correccións tiñan que respostar, matizar, modificar, protestar, etc. E se non había resposta, os membros do comité serías responsables de cambiar o que consideraban oportuno, entre o sábado e o domingo. O feito de que o mércores remate a revisión non significa que haxa modificación de datas.
A anotación sobre os comités de redacción aparece o 29 de marzo de 2007. Si tendes algún problema revisade as entradas de marzo para comprobar os grupos e o calendario.
-- En canto ao uso da cursiva é unha mala idea. A cursiva é un estilo que se lee mal nunha pantalla, que só debería usarse para frases moi curtas ou palabras e non para párrafos longos. Así que penso que o de facelo en word e cortar e pegar (un xesto ao que estamos acostumados) é unha boa idea ou senón un cambio de tipografía, que visualmente podería ser interesante e chamativo. Teriades que buscar un tipo que contraste moito coa tipografía que estades usando. Tampouco usedes maiúsculas ou negritas. As cursivas, maiúsculas e negritas se interpretan como berros e deberíanse utilizar en casos concretos e non en párrafos longos.
-- Os enlaces externos (mirei o de colocar "target=blank" dentro da etiqueta de enlace e non funcionou) non deberían ir no medio de texto. Gústame iso de que o navegador ten un botón atrás, pero cando saes da túa propia páxina xa non sabemos se vai volver o internauta ou non. Así que deixemos a un lado eses proverbiais mecanismos e pensemos nunha navegación / interacción propia e non deixala nas máns dos navegadores. Polo que os enlaces externos poderían ir ao final do párrafo, e non no medio da narración.
-- En canto ao uso de todas as linguaxes, formatos, géneros, etc son decisións vosas e sería interesante experimentar con todas as posibilidades.

reunión de luns e propostas

A reunión do luns, día 23, é para debatir, analizar, revisar, criticar, suxerir, etc. É unha xuntanza na que se necesita a participación de todos e todas. Non sirven silencios e encollemento de ombros porque non permiten avanzar. Así que vinde con ideas, propostas e alternativas que nos permitan fixar definitivamente por onde queirades que vaia o relato. así que ao principio da clase podemos establecer como un guión de aspectos concretos para debatir. Polo que vos pido que cada un vaia elaborando o seu guión coas propostas. E ao mellor, eses guións individuais coas aportacións de cada un poderíades deixalos na bitácora para reunilos e poder dispor xa dun guión global con todas as propostas e dúbidas que teñades. Dígoo para axilizar o debate. A reunión ten que ser para a toma de decisións e para establecer as pautas de continuidade.

Clase presencial o luns, día 23

O vindeiro día 23, ás 13:30, na AI1, temos clase presencial e de asistencia necesaria. A clase vainos servir como punto de análise do que levades feito e de inflexión para a continuidade do relato. Así que nesa clase teredes que expoñer as vosas opinións sobre o proceso de traballo, revisión, análise, estratexia, problemas, continuidade da historia, argumento, personaxes, escenarios... Tendes que apartar as vosas opinións sobre como evoluciona o experimento y como debería continuar. E tamén habería que empezar a pensar como buscamos o mellor sistema de navegación para a hiperficción. Quero a participación de todos e todas. Pensade nesta clase como os 100 días dun goberno: balance e accións a desenvolver.

Posta en marcha dos comités de redacción

A falta de dúas persoas, que inicialmente estaban apuntadas, e non sei se continúan ou non, os grupo de traballo e o periodo de revisión quedan da seguinte maneira:

1. María Obelleiro Hermida, Mar Pichel Montes, Lupe Oroña Quintáns, Juan Carlos Floriani González
- Do 26 de marzo ao 1 de abril
- Do 7 ao 13 de maio

2. Xela Cuñarro Otero, Ana Pantín Rivas, David Lombao Rodríguez, María Pampín Mariñas
- Do 2 ao 8 de abril
- Do 14 ao 20 de maio

3. Zaira Doldán Borrazás, Patricia de la Torre Rodríguez, Judit Casas González, Marta Fernández Pedrido, Jorge Faci Lasanta
- Do 9 ao 15 de abril
- Do 21 ao 27 de maio

4. Jesús Pérez Caballero, Alba Galve Jaén, Tania Taboada Carril, Elena Gutierrez Sánchez, Graciela Alonso Fernández
- Do 16 ao 22 de abril
- Do 28 de maio ao 3 de xuño

5. Santiago Montero Vilar, Xurxo Sánchez Gómez, Marcos Calaza Montes, Lucía Sixto Barcia
- Do 23 ao 29 de abril
- Do 4 ao 10 de xuño

6. Ana Piñeiro Fariza, Eva Vázquez Martínez, Angela Castro Pintos, Alba Porral Quintillán
- Do 30 de abril ao 6 de maio
- Do 11 ao 17 de xuño

O desenvolvemento do traballo sería:
1.- De luns a xoves, revisión de todo o que se leva escrito. Do que se leva escrito ata o luns no que cada comité empeza a revisión. O primeiro grupo ten que revisar o que se elaborou ata o 26 de marzo. O seguinte grupo revisa o escrito na semana do 26 ao 2, que é cando o segundo grupo ten que comezar a súa tarea.
2.- Os xoves, cada comité incorpora nesta bitácora as aportacións, puntualizacións, consellos, incoherencias, propostas, críticas, erros, etc.
3.- Entre o xoves e o sábado fanse as correccións. Primeiro os autores aos que van dedicadas as puntualizacións, dúbidas, cuestións de calquer tipo aclaren e argumenten as súas decisións. Si por exemplo o comite pensa que hai unha incoherencia, ou non entende un párrafo, ou falta un enlace de unión entre partes, ou pensa que hai un incorrección gramatical ou léxica ou semántica, as persoas afectadas deben comentar si están dacordo coa apreciación ou non ,e explicar as razóns. Unha vez feito o paso do contraste de opinión entre o comité e os creadores dos bloques faise a corrección oportuna. Esta corrección sería mellor que a fixera o propio responsable do texto, ainda que pode delegar no comite. Non se trata de modificar o estilo de ninguén, só de que todos sexamos conscientes do que estamos a escribir, as razóns, os obxectivos, o sentido, o contexto. E os comités de redacción teñen a responsabilidade de revisar, non de cambiar a estructura do relato. E os autores do mesmo teñen a responsabilidade de entender ao comite, de comentar cos membros os problemas e buscar entre todos a solución.
4. O luns seguinte comeza outro grupo de traballo.

-- Insito por última vez, a participación tanto nesta bitácora como na wiki é continuada. E non vai servir que ao final escribades 400 bloques de texto. Isto non sirve. Hai que manter o debate e hai que construir un relato. E ademais non esquezades que tendes que ir buscando recursos na rede ou impresos sobre o relato hipertextual, sobre a hiperficción e ir comentadoos tamén na bitácora e que aportedes enlaces de textos ou documentos ou bibliografía para que todos e todas poidan acceder tamén a ese material.
Por supostos todas as dúbidas e cuestións na bitácora.
vida