Páxinas orfas

Hai páxinas ou fragmentos da narración que son orfas. que non teñen enlaces a ningunha outra parte da historia. Hai que eliminar estas páxinas orfas incluindo enlaces que nos leven a partes da narración pertinentes. Os comités de redacción que revisen e resolvan estas situacións. Grazas.
- O xoves da semana próxima teremos unha clase presencial na aula AI6/AI7 para tomar as últimas decisións e revisar o traballo.

convocatoria de reunión

O luns, día 14, na hora de clase, vémonos todos e todas para examinar como marcha o relato, fixar obxectivos (ou non), delimitar tareas e ir pechando aspectos nos que tendes que aportar tamén ideas: A navegación polo relato, as rutas personalizadas, a revisión da documentación sobre o discurso/relato/novela hipertextual, ademais do material que vos entreguei eu, e tamén é necesaria a vosa aportación crítica ao traballo, ao seu desenvolvemento, á experiencia. Valorar os aspectos positivos e negativos. Facer unha revisión crítica.
mar-i-ta

Así, en xeral

só dicir que é boa idea o da reunión, porque así poderemos fixar unhas ideas básicas que permitan avanzar e facer a historia máis interesante, xa que se quedou nun punto fixo, no que se engaden personaxes secundarias e demais pero no que a acción non avanza
a este respecto, paréceme moi interesante tanto o do personaxe de Raquel, que coñeza a alguén que durme igual que Rodolfo, para así enlazar historias, coma o da muller da Costa da Morte que lle dá o teléfono do psicólogo á muller do mariñeiro
respecto a compañeira de Universidade de Anabel, igual si que debería ser importante o seu encontro pero paréceme forzado que compartan o mesmo problema
Creo que o tema dos personaxes e como os secundarios van servir para enlazar as historias dos principais sería un punto interesante a discutir na reunión

reunión de luns e propostas

A reunión do luns, día 23, é para debatir, analizar, revisar, criticar, suxerir, etc. É unha xuntanza na que se necesita a participación de todos e todas. Non sirven silencios e encollemento de ombros porque non permiten avanzar. Así que vinde con ideas, propostas e alternativas que nos permitan fixar definitivamente por onde queirades que vaia o relato. así que ao principio da clase podemos establecer como un guión de aspectos concretos para debatir. Polo que vos pido que cada un vaia elaborando o seu guión coas propostas. E ao mellor, eses guións individuais coas aportacións de cada un poderíades deixalos na bitácora para reunilos e poder dispor xa dun guión global con todas as propostas e dúbidas que teñades. Dígoo para axilizar o debate. A reunión ten que ser para a toma de decisións e para establecer as pautas de continuidade.