non se admiten cambios

Non se poden modificar as normas de traballo. Na entrada que se fala do proceso de corrección (xoves 2 de abril de 2009) específicase claramente o tempo de revisión e desde logo non é ata o mediodía do domingo. Por favor, hai que ler as entradas e comentarios, todas e todos, e, por suposto, non modificar as reglas de xogo a gusto de cada persoa. Existe un método de traballo, existiu desde o primeiro ano que se puxo en marcha este obradoiro, e nunca houbo problemas. Así que, por favor, hai que estar atento á tarea que se desenvolve na bitácora e no wiki. Hai que manter unha conexión frecuente e continuada ó esforzo que estades a realizar.

Como colocar os enlaces

Normas para crear os enlaces entre as diferentes partes da historia dentro do wiki:

• Os links NON se poden engadir dentro do texto para evitar que o lector non remate de ler a páxina.
• Colocaranse ao final de cada páxina (os que sexan necesarios)
• Deberán ser o máis breves posible (non facer enlaces con frases longas ou parágrafos)

Recordade que tampouco se poden crear páxinas no wiki que superen o que cabe na pantalla para que o lector non teña que empregar a barra de desprazamento.
Marita pediunos que cada un corrixa as entradas que creou para adaptalas ao dito anteriormente o antes posible.

Outra cousa máis. Cando creedes unha nova páxina no wiki tendes que engadila vos ao menú de navegación que está á esquerda, porque o wiki, inexplicablemente, xa non o fai de maneira automática. Poñede o nome da páxina e o enlace á mesma.