non se admiten cambios

Non se poden modificar as normas de traballo. Na entrada que se fala do proceso de corrección (xoves 2 de abril de 2009) específicase claramente o tempo de revisión e desde logo non é ata o mediodía do domingo. Por favor, hai que ler as entradas e comentarios, todas e todos, e, por suposto, non modificar as reglas de xogo a gusto de cada persoa. Existe un método de traballo, existiu desde o primeiro ano que se puxo en marcha este obradoiro, e nunca houbo problemas. Así que, por favor, hai que estar atento á tarea que se desenvolve na bitácora e no wiki. Hai que manter unha conexión frecuente e continuada ó esforzo que estades a realizar.

aviso de traballo

Recordade que hai fixadas unhas mínimas normas de estilo que aparecen na páxina de portada, en discussion, no wiki. Hai que revisar de cando en vez esa sección. Por favor, revisade as propostas e intentade axustarvos a elas. Dígoo porque seguimos poñendo títulos ás páxinas pouco controlados, imposibles como os mundos de Escher (por certo que o seu traballo como gravador pode servir como reflexión e interpretación en torno ós presupostos hipertextuais). Hai que prestar atención ós consellos e advertencias. Son cousas que van xurdindo na clase.
Cando usedes o apartado de discussion do wiki, introducide as entradas nas páxinas de portada e navegación, xa que son as de referencia para todos. Fixadevos cando escribides, xa que a discussion podería apareer, po exemplo, na páxina do relato.
Tendes o aviso e as recomendacións nunha entrada anterior. E como se siguen poñendo nomes extraños aos relatos do wiki, significa que non prestamos moita atención. Por favor, tende en conta as aportacións que se fan para mellorar o traballo.
iNtErAcTiViDaDe continuada
Outra cousa, agás en situacións específicas e por razóns puntuais, non sirve a interacción se non é ininterrumpida, persistente, constante, prolongada, duradera, continuada, incesante e continua. Non é coautoría se cada mes escribo 20 entradas para completar o número de entradas que hai que facer. Isto non é válido, non é responsable e non é aceptable. O traballo ten unha progresión, porque é a única maneira de coñecer e ver o que fai todo o mundo, o que escribe no wiki e o que escribe na bitácora. Interacción / interactividade e retroalimentación son as bases do obradoiro. Continuidade, como norma básica.