non se admiten cambios

Non se poden modificar as normas de traballo. Na entrada que se fala do proceso de corrección (xoves 2 de abril de 2009) específicase claramente o tempo de revisión e desde logo non é ata o mediodía do domingo. Por favor, hai que ler as entradas e comentarios, todas e todos, e, por suposto, non modificar as reglas de xogo a gusto de cada persoa. Existe un método de traballo, existiu desde o primeiro ano que se puxo en marcha este obradoiro, e nunca houbo problemas. Así que, por favor, hai que estar atento á tarea que se desenvolve na bitácora e no wiki. Hai que manter unha conexión frecuente e continuada ó esforzo que estades a realizar.

comités e correccións

Entrou en funcionamento o terceiro comité de redacción. Súponse que todo o revisado polos comités primeiro e segundo está revisado polos autores últimos, aínda que penso que falta unha persoa por subir as que van da 43 ó 56. Na bitácora, apareceron catro persoas (Yolanda, Alba -non sei cal exactamente-, Lucía e Óscar) que avisaron de que tiñan feitas as correccións. Como ninguén máis se manifestou, quero pensar que todo está revisado. Por favor, o obradoiro non é únicamente en liña. Hai que estar en contacto, hai que manter unha continuidade, hai que saber o que se di nas clases, hai que prestar atención a avisos e informacións. É un traballo colectivo no que todos temos as mesmas responsabilidade. Insisto, non serve o "non me enterei".

comités de redacción 2009

Xa están formados os comités de redacción que empezaran inmediatamente a traballar
1º grupo: Alba Blanco, Paula Bouzas, Adrián Candal, Julia Castro, Marta Fernández, Andrea García, Inés Gómez.
2º grupo: Alba Gorgojo, Elena Gradín, Tania Iglesias, Alicia Lombán, Cristina López, Marta López.
3º grupo: Estefanía Losada, Lucía Martínez, Laura Martínez, Clara Morgade, Vanessa Munín, Rosa Perera.
4º grupo: Silvia Pérez, Ana Pérez, Carolina Piñeiro, Yolanda Quintas, Anna Rosenfeld, Óscar Veloso, Antía Ballesteros.
Desenvolvemento do traballo
Excepcionalmente, a primeira revisión correrá a cargo dos dous primeiros grupos porque así poden revisar con calma e rigor todo o traballo que levades feito. Eses dous primeiros grupos
- revisarán todo o material do wiki ata as 24 horas do domingo día 12.
- o luns, día 13, na hora de clase (como referencia temporal) os responsables da revisión subirán as correccións á bitácora, explicando os criterios que estableceron para facer o exame dos textos.
- Desde o momento de colocar as revisións ata o xoves, as persoas afectadas polas correccións deberán responsabilizarse das mesmas e resolver as cuestións que plantexaron os comités de redacción. Se os aludidos non están conformes coas propostas, terán que explicar neste tempo os seus puntos de vista para alcanzar un acordo entre as posturas presentadas polos comités e o autor do fragmento.
- o xoves na hora de clase (como referencia temporal) os comités de redacción modificarán todas aquelas correccións que non se fixeron ou as que non se respostou convenientemente. Ó final, os comités son soberanos e totalmente responsables fronte ó silencio.
O terceiro grupo revisará os traballos feitos entre as 24 horas do luns ata as 24 horas do domingo siguiente (do 13 ó 19 de abril). O luns (20) se suben as correccións e o xoves se suben as correccións que non están feitas polos autores afectados.
O cuarto grupo revisará os traballos feitos entre o 20 e o 26, seguindo o mesmo método explicado no párrafo anterior.
E xa só o primeiro grupo empezará a responsabilidade correctora a semana do 27 de abril ó 3 de maio, co mesmo procedemento.
E así sucesivamente ata que rematemos o cuadrimestre. Tendes que estar pendientes do grupo que sodes e de cando vos toca, do que fixeron os outros grupos e de ir modificando e/ou ampliando os criterios de correccións dacordo a como se desenvolva o proceso de traballo e sempre pensando na calidade do que estades a facer.
- Xa que a clase é presencial e non presencial, en semana santa podedes escribir un pouco, vos permite contar as vosas aventuras nas vacacións. Tamén é unha forma de diversión. Isto é un obxectivo moi, moi loable.

- Tería que ser obrigatorio e una responsabilidade estar sempre ó día do que se vai escribindo para actualizar enlaces, para ampliar as tramas, para buscar un relato laberíntico pero ó mesmo tempo intenso, coherente, ramificado, multidimensional, multilineal, hipermedia (pensade no uso doutras linguaxes non só en texto e imaxe fixa, seguro que se vos ocurren milleiros de posibilidades).
- Insisto, ide creando para participar no concurso de microrrelatos de Televisión Española. Non esquezades ese obxectivo.
Boas vacacións

comités Redacción/Edición

Hai catro comités de redacción / edición, 20 persoas. Así que, polos meus datos, faltan 7 por formar grupo. Esas 7 persoas que miren, por favor, de resolvelo a través do correo electrónico. Formar un grupo de 5 e as dúas restantes que se incorporen a dous equipos xa establecidos de forma individual.
Tiven que decidir que grupo principiaba a revisión do escrito e tras un transparente e obxectivo sorteo ante notario tocoulle o primeiro turno ao grupo de Fátima, Beatriz, Marta, Eloy e Daniel. Así que para tentar organizar o traballo e sempre aberto a posibles modificacións máis adecuadas:
1. revisades ata o mércores día 26
2. O xoves, día 27, incorpóranse as correccións, cambios, ideas, erratas, aportación, puntualizacións, consellos, incoherencias, propostas, críticas, erros, etc. na bitácora.
3. Entre o xoves e o sábado fanse as correccións. Primeiro os autores aos que van dedicadas as puntualizacións, dúbidas, cuestións de calquer tipo aclaren e argumenten as súas decisións. Si por exemplo o comite pensa que hai unha incoherencia, ou non entende un párrafo, ou falta un enlace de unión entre partes, ou pensa que hai un incorrección gramatical ou léxica ou semántica, as persoas afectadas deben comentar si están dacordo coa apreciación ou non ,e explicar as razóns. Unha vez feito o paso do contraste de opinión entre o comité e os creadores dos bloques faise a corrección oportuna. Esta corrección sería mellor que a fixera o propio responsable do texto, ainda que pode delegar no comite. Non se trata de modificar o estilo de ninguén, só de que todos sexamos conscientes do que estamos a escribir, as razóns, os obxectivos, o sentido, o contexto. E os comités de redacción teñen a responsabilidade de revisar, non de cambiar a estructura do relato. E os autores do mesmo teñen a responsabilidade de entender ao comite, de comentar cos membros os problemas e buscar entre todos a solución.En todo caso, se os autores non se manifestan, os membros do comité tomarían as decisións que consideren oportunas.
4. Así o luns da semana seguinte comezaría o segundo comité de redacción, que neste caso sería o formado por Beatriz, Dolores, Alba, Tamara e Mónica.
A continuación tocaríalles o turno a Alba, Laura, Raquel, Paloma e Alexandra. Depois Fany, Marta, Isabel, Bernardo e Sonia.
5. Así o tempo de revisión podíase establecer entre o luns e o mércores para que o xoves se poideran subir as anatocións á bitácora no horario de clase.
- Quedo a espera de que completedes o resto dos equipos.
- Avísademe se non vos chegan os correos electrónicos. Tende a precaución de mirar na carpeta de spam, por si acaso.
- Tamén agradecería que me informarades se algunha das persoas, que nun principio se anotaron nesta parte de Obradoiro, cambiou de opinión.
- As clases sí comezan o luns 24
Boas vacacións